MF 1840-smábaggavélin með miðlínuvinnslu nýtur sívaxandi vinsælda þökk sé margrómaðri hönnun og góðum orðstír. Hvort sem þú bindur aðeins bagga á nokkrum hekturum á ári fyrir þitt eigið búfé eða þúsundir bagga á ári í verktöku fyrir aðra hentar MF 1840 fullkomlega fyrir þínar þarfir og þinn fjárhag.

1,9 metra breið sópvinda með lítið þvermál og lágstæð hönnun með litlu tindabili sjá til þess að múgarnir eru teknir snyrtilega upp með lágmarkstruflunum og lítilli dreif. Landhjól, sem eru staðalbúnaður báðum megin, hjálpa sópvindunni jafnframt að fylgja ójöfnum í sverðinum og koma þannig í veg fyrir skemmdir á tindum. MF 1840 er búin sópvindu með fjórum tindaröðum til að tryggja betri mötun.

Einstök miðlínuhönnunin sér til þess að heyið fer í gegnum vélina í beinni línu beint fyrir aftan dráttarvélina, en þannig verður vinnslan þægilegri og afköstin meiri. Með þessu móti verður þyngdardreifingin auk þess jafnari og dregið er úr þjöppun við svörð.

Uppskerunni er matað inn í forþjöppunarhólf þar sem hún er forþjöppuð áður en hún fer inn í aðalhólfið. Þannig verður bagginn vel formaður og þéttur í sér auk þess sem minna álag á íhlutum skilar sér í betri endingu baggavélarinnar. Forþjöppun með stuttri slaglengd og hraðvirkri bullu sér til þess að baggavélin skili miklum afköstum um leið og dregið er umtalsvert úr sliti á legu bullunnar.

Til að tryggja sem besta lögun og jafna þjöppun baggans við allar aðstæður er OptiForm-baggahólfið 460 mm eða 30% lengra en á forveranum, MF 1839-baggavélinni. Í baggahólfinu eru einnig stillanlegar viðnámshurðir sem sjá til þess að þjöppunin verði alltaf sem best. Þessi þjöppun frá hliðunum bætist við þrýstinginn frá þjöppunarbúnaðinum að ofan og neðan.